生日大包

今日，我食完老婆整嘅愛心飯盒，落街行左兩個圈，然後買左杯珍珠奶茶，好得戚咁行返公司。一路行仲一路吹口哨。
行到返公司，見到成班黑衣人響度神神秘秘咁，一見倒我就扮曬冇野，你地啲演技好渣呀！
一定係買左個生日蛋糕然後屈我食曬佢啦。上次我地就係咁整蠱阿安嘅，出得尼行，就預左要還。之但係咁多人響度，一人分少少，個蛋糕都冇左一半啦，未驚過！
咦，做乜咁大個個盒嘅！？你班友唔係咁兇殘呀馬？三磅？唔係？嘩！好大個包！！仲有咁多細包！咩話？我食大你地食細？唔係咁玩呀？咁大個包，點食呀？我真係好感動，你地對我咁好！！食就食啦！
好飽啊，食左一半都唔够啊！留番聽日食得唔得？唔好咁啦！救命！
好難忘嘅生日！
下個生日係邊個呢？不如挑戰一磅芝士蛋糕呀！